ما معنى الحياه؟!

ما معنى الحياه؟!
السؤال دا كان بيجيني كتير ع الأسك
المعنى الحقيقي للحياه "أن تجد أناسٍ يحبونك ويتقبلونك كما أنت فيجعلونك تحب نفسك"
ببساطه الحياة هي الحب

ظللت ابحث طوال عمري عن السعاده :السعاده ليست مال أو شهره أو أبناء أو تفوق علمي... إالخ.... هتسأل ازاي؟. لو بصيت للمال أو الشهره هتلاقي ناس كتير أغنية ومن اغني أغنياء العالم ومشاهير بس مش سعداء ومكتئبين وممكن يوصلوا للانتحار كمان...هتلاقي بردو ناس متفوقين علميا ودراسيا وعلماء وفلاسفه ومفكرين بس ممكن تلاقيهم عايشين بؤساء طول حياتهم ومسيطر عليهم الحزن والاكتئاب لغاية مايموتوا وهتلاقي كتَّاب كمان لجأوا للكتابه وسابوا أثرهم بالحزن بتاعهم وممكن أثرهم دا يتسبب بالسلب ع الناس اللي تقرأه ويحزنهم وخاصة الناس اللي أرواحها هشَّه وحساسه وأي حاجة ممكن تأثر فيها فيبقوا بدل ما هما عاشوا حزناء أحزنوا اللي بعدهم كمان.... 

السعاده الحقيقيه تكمن ف الحب... انك تلاقي ناس تتقبلك زي ما انت وما تحاولش تغيرك.... ناس تحبك وقت ضعفك وفشلك وانهيارك وسوءك قبل وقت نجاحك وقوتك لأن ف لحظة ما تكون ناجح الكل هيبقي حواليك زي ما قولت قبل كدا.... هتقول ازاي؟! أي حد يستحق فرصه تانيه مهما كان الذنب اللي ارتكبه ومهما عَظُمَت أخطاءه.... إالا ما خلَّي رب العباد اللي خلقنا بيدينا فرصه تانيه وتالته ورابعه ومليون كمان احنا يا بشر مش هنسامح بعض وندي فرصه تانيه!!!... انت لما بتغلط وترجع لربنا وتتوب مهما كان غلطك كبير حتى لو كفرت ورجعت لربنا ربنا بيغفرلك وبيقبلك ويفتحلك باب رحمته لما تقف ع بابه.... فأنت يا انسان يا ضعيف ياللي لا روحت ولا جيت مش هتسامح وتغفر!!! أومال اشمعنا بقى ربنا بيسامحك ويغفرلك!!!

ما هو مش معنى ان ربنا ساتر ع أخطاءك وعيوبك وكشف ستره عن عيوب وأخطاء غيرك تشمت فيه وتفرح ما ممكن ربنا يكشف ستره عن أخطاءك انت كمان...دا يخليك تفكر مليون مره قبل ما تنتقد حد وتقرر انه ما يستحقش فرصه تانيه وانه مايتغفرلوش وأنه مايتسامحش.... لأنك أصغر من انك تحكم أو تحدد مصير حد لأن دا مش في ايد حد غير رب العباد...

الكاتبة: إيناس برهان

تعليقات

  1. تسلم اللي كاتبه♥️

    ردحذف
  2. أزال المؤلف هذا التعليق.

    ردحذف
  3. إيناس برهان ⁦♥️⁩

    ردحذف
  4. أزال المؤلف هذا التعليق.

    ردحذف

إرسال تعليق

المشاركات الشائعة من هذه المدونة

تعلم التسويق مع مبادرة تثقيف 2 | التاسكات

كورسات يوديمي بكوبون مجاني