النور في الناس

في الحقيقة من الاسرار اللي اكتشفتها عن نفسي اني بحب الاشخاص لروحهم وعيونهم ونظرتهم أحلامهم و ابتسامتهم اشياء من هذا القبيل يعني ، بحب دايما كون الانسان راضي وروحه مطمئنة لأني من غير م احس بلاقي نفسي مطمن الشخص اللي ماشي يطيب ف اوجاع الناس وسهل لين وف الغالب ده بيكون منتشر بين المتدينين بصورة كبيرة وواضحة وبنسبة اقل ف المجتمع العادي لأن الناس ف المجتمع العادي بتخاف تظهر بالصورة الطيبة دي اللي هي اصلا حقيقتها لتتاكل ويتداس عليها بين الرجلين لازم تبان بصورة بشعة هي نفسها مش راضيه عنها بس حُكم المجتمع عليها!

وبالتالي ده بياخدني لنقطه تانيه مهمه وهي اني بحب اللي مش بيقدر المجتمع ولا بيديله حساب هو كل همه وكل حياته يُكَون خلافته ف الارض ب النور القلبي اللي ربنا زرعه جواه هو مش هيخاف يلاعب طفل صغير ل الناس تقول عليه عيل ومش هيخاف ينزل يتمشي اخر الليل ل يقولوا عليه مجنون! طلما انه ف طاعة الله ورضا نفسي يفعل ما يحلو له
يمكن الشخص ده الاكثر عُرضة للاغتيال من البشر اكثر من العلماء والمفكرين وغيره لأن للاسف الشخص ده حياته هي النور اللي جواه مش الروح اللي ليها وقت هتخرج فيه بكل بسطة لو سرقت منه النور ده هيبهت ويدبل ويموت

‏= بس هو لسه بيتنفس وبياكل!
‏كده نحكم عليه انه علي قيد الحياة يعني ؟

‏وبالتالي الموت ليه العديد من التعريفات ابشعها واكثرها رعب وتأثير ف نفس القارئ وهو ان الموت يمكن تعريفه علي انه سلب للحياة وسرقة الشغف من عين صاحبه ليس توقف لضربات القلب ،
علي هامش هذا الحديث الشيق يمكننا القول " الطيور علي اشكالها تقع " لأن من بديهيات الحياة ان يلتقي الشبيهان ويكملا طريقا واحدا قد بدأه كلا منهما بمفرده!

هذا التشابه يكون ف صفات المعايشة وليس الصفات الشخصية ، ليس بالضروري ان يلتقي الحليم بالحليم مثلا! بل من العدل ان يلتقي الحليم بالغضوب ليُهدأ من طبعه ويجعله اكثر حِلما وهكذا تدور عجلة الحياة بين باحث عن النور ومنارة للباحثين والنور لا ينقطع ابدا عن الحياة ما دمنا ف عناية الله وحفظه يقول رب العزة " فإنك بأعيننا " ، هل يعقل ان يكون من في عين الله وحفظه ان يضيع! ولكن السؤال الاهم هنا كيف اكون ف حفظ الله وعنايته؟

الكاتب: 
مصطفى طهير

تعليقات

  1. نجم العزبه مصطفى طهير

    ردحذف
  2. أزال المؤلف هذا التعليق.

    ردحذف
  3. عظمه بجد يعنى ♥️✨✨✨

    ردحذف

إرسال تعليق

المشاركات الشائعة من هذه المدونة

كيفية الحصول على الدعم المالي من كورسيرا

أهم الكورسات لتعلم مجال تحليل البيانات data analysis

تاسكات تطبيقية App Inventor | مبادرة تثقيف