تعليمات هامة | تراك كتابة المحتوى

 اهلا بيك في الفيديو التعريفي لكورس كتابة المحتوى من مبادرة تثقيف 2021

1. المقال دا ليه؟ 

عشان يرسملك الطريق قبل ما تبدأ تتعلم كتابة محتوى ويقولك الخطوات اللي هنمشيها في الكورس دا وهتوصل لإيه في الآخر، وأخيرًا إزاي تطلع بأقصى استفادة.


2. في البداية .. الكورس دا عن إيه؟

الكورس عن كتابة المحتوى الرقمي مش الإبداعي، وأيوة فيه فرق كبير بينهم. 


المحتوى الإبداعي هو زي كتابة القصص والروايات، الخواطر، السيناريو.

أما هنا في كتابة المحتوى الرقمي فانت فهو مرتبط بشكل كبير بالماركتنج، وتحقيق أهداف البيزنس، ازاي أقنع الناس وأثر فيهم، إزاي أخليهم يشتروا منتح بالمحتوى اللي بكتبه. 

فلو مستني تتعلم منها ازاي تكتب زي طه حسين أو أحمد خلد توفيق فأنت في المكان الغلط. 

ولو عايز تشتغل كاتب محتوى، وكل هدفك وتركيزك ازاي اسلوبك يبقى زي كاتبي الروايات والقصص .. يبقى انت كدة ماشي في المجال بطريقة غلط. 


3. مهارة الكتابة

لو انت بكتب حلو واسلوبك عظيم دا مش هيفيدك؟ طبعا يفيدك جدا، لكن المقصود انه مش كفاية عشان تكون كاتب محتوى، أسلوبك في الكتابة هي واحدة من ٣ مهارات أساسية لأي content writer .. والكورس هيدلك على المهارتين التانين

النقطة التانية
- لو أنت مالكش في الكتابة، واسلوبك يدوبك، هل تقدر تتعلم المجال وتشتغل فيه؟ الحقيقة آه، لو انت عايز تتعلمه فالكورس دا هيكون بداية كويسة ليك. 

كتابة المحتوى مهارة، ومعنى إنها مهارة إنك تقدر تتعلمها وتكتسبها.. والكورس دا هتتعلم مهارة كتابة محتوى يشد جمهورك ويأثر فيهم ويقرأوه لآخر حرف. 

4. مراحل تعلم مهارة الكتابة



بس عموما عشان تتعلم أي مهارة بتمر ب ٤ مراحل 
١. لا مهارة، لا واعي
٢. لا مهارة، واعي
٣. مهارة، واعي
٤. مهارة لا واعي


في أول مرحلة (لا مهارة، لا واعي) انت بتكتب غلط، ومش عارف إنك بتكتب غلط، بتكتب ومش حاسس إن كتابتك فيها مشكلة. 

تاني مرحلة (لا مهارة، واعي) 
بتكتب غلط، وانت عارف ان دا غلط.
هنا حد علمك الصح، وعرفهولك، ورسملك الطريق .. فأنت عدبقيت واعي إن اللي بتكتبه غلط، وبتحاول تصلح الغلط دا، وتوصله وتقربله. 

تالت مرحلة (مهارة، واعي)
هنا حمد الله على السلامة، بقيت تكتب صح أخيرًا، بس وانت مركز جدا في ادق التفاصيل، وبتاخد مجهود ووقت كبير عشان تكتب صح. 

رابع مرحلة (مهارة، لا واعي)
بعد ما تتدرب كتير وتمارس كتير هتوصل لمرحلة إنك بتكتب بشكل احترافي بدون وعي، بالظبط زي السواقة. 

5. هتتعلم ايه من الكورس

لو انت مستوى مبدع: 

هينقلك من مرحلة غير واعي لواعي، يعني هتكون في المرحلة التانية، أيوة هتطلع بتكتب غلط وعارف إنك غلط. 


في المبدع انت هتاخد كل الاساسيات اللي تهمك، هنغير تفكيرك ونسكل وعيك، فهتبدأ تفهم يعني إيه محتوى، وايه هي أنواعه، وايه علاقته بالمار كتنج، ازاي أسوق بالمحتوى، ازاي أجيب أفكار كريتيڤ، ايه هي اجزاء المحتوى وتركات عشان تكتب كل جزء منها، وهتعرف ٥ خطوات لازم تعملهم قبل ما تكتب أي محتوى.


وماتقلقش في نهاية التراك هقولك تكمل إزاي عشان تقدر تشتغل كاتب محتوى فريلانسر أو تكون مسؤول عن كتابة محتوى لبيدج كاملة أو حتى براند ليها أكتر من منصة.


اما المحترف: 

فهو هيكتب أكتر ويطبق أكتر، وهياخد فيدباك على شغله مخصوص، ودا هيخليه يعرف يحدد غلطاته ويصلحها وينتقل من إنه بيكتب غلط لإنه بيكتب صح. 


يعني هيخرج في المرحلة التالتة .. بيكتب صح بس بحبة تركيز ومجهود محترمين .. وهياخد تمارين يمارسها عشان يوصل للمرحلة الرابعة. 


في المحترف هنفتحله أبواب أكتر يشتغل منها .. فهيدرس ٤ أنواع محتوى بالتفصيل وهيطبق عليهم 

١. هيتعلم الفرق بين الكوبي والكونتنت

٢. هيكتب محتوى تسويقي، يأثر في جمهورك ويحقق أهداف التسويق.

٣. هيكتب محتوى تعليمي

٤. هيكتب مقال، ودا في حد ذاته كورس لوحده فأنت نش هتعرف اساسيات كتابة المقال وبس لأ هتتعلم السيو ودي مهارة أساسية لكاتب المقالات

٥. أخيرا هتتعلم أساسيات كتابة سكريبت الموشن جرافيك


6. التاسكات

أخيرا منعا للصيااااااح 

التراك دا ممكن ياخد منك ساعة في اليوم

هتسمع الفيديو في ١٥ دقيقة، وبعدها هتاخد وقتك وتطبق باقي الوقت.


سواء مبدع أو محترف:

٨٥٪ من محتوى الفيديوهات بيديك علم كتابة المحتوى وأساسياته، والتطبيق ١٠٠٪ في التاسكات، فمتتخضش لو لقيت مستوى التاسك عالي، كدة كدة هيتحسبلك، ومتفقين مفيش صح وغلط في التاسكات، فهو كل تاسك هتنزل بعده اجابته، وامثلة، وبفكرك غرضه تحاول تطبق، وتغكر برة الصندوق، وتكسب مهارة إضافية وتفكير جديد.. 


أخيرا طريقة التعلم: مقالات وفيديوهات فلا تعتمد على مشاهدة الفيديو من اليوتيوب فقط، حتى لا تفوتك معلومات المقالات.

اضغط هنا: للبدء بتعلم مجال كتابة المحتوى



تعليقات

إرسال تعليق

المشاركات الشائعة من هذه المدونة

أهم الكورسات لتعلم مجال تحليل البيانات data analysis

كيفية الحصول على الدعم المالي من كورسيرا

أهم المواقع لإنشاء البورتفوليو الخاص بك!