تراك التسويق اجابات تاسك 2 | مبادرة تثقيف

مواصفات الفئة المستهدفة من حيث 

(السن،النوع،المستوى المادى،المستوى الاجتماعى):

النوع: أنثى (فئة السيدات)

السن: أكبر من ٤٠ سنة

المستوى المادى: أقل من المتوسط

المستوى الاجتماعى: أقل من المتوسط


الأول ماذا يعنى مستوى مادى ومستوى اجتماعى؟

المادى: الحالة المادية للشخص

الاجتماعى: المسكن والوظيفة

على سبيل المثال: شخص يمتلك ٨٠ الف جنيه نتيجة لتأجير أراضى زراعية ويسكن فى قرية

(الوظيفة: مستوى اجتماعى أقل من المتوسط)

(المسكن: القرى: اجتماعى أقل من المتوسط)

ومع ذلك المستوى المادى مرتفع.

ليس بالشرط أن يرتبطا ببعضهما. 

_


شكل الإعلان: 

مصور ←لأن الكروشيه ليس بحاجة للمسه (مادة مألوفة الشكل والملمس)


صيغة الإعلان:

لا يوجد إجابة صحيحة بالكلية، فالصيغة تختلف حسب تفكير كل شخص وطريقة إبداعه.. لذا قولاً واحداً لابد أن تستوفى فى الصيغة على الأقل ٣ نقاط من ال١٠ نقاط التاليين: 

١. قصيرة (لتشجيع العميل على القراءة)

٢. تتضمن حل لمشكلات موجودة (ولكنه لم يلتفت إليها)

٣. تتضمن تذكيره بمشكلة من المحتمل أنها مرت عليه من قبل وعانى منها. 

٤. تتضمن حل لمشكلة غير موجودة

٥. تتضمن وضع العميل فى جو من التنافس 

٦. تذكير العميل بفائدة للمنتج

٧. تذكير العميل بأكثر من فائدة للمنتج

٨. ذكر مميزات المنتج 

٩. وعد العميل بشىء غير ملموس 

١٠. تشجيع العميل على اتخاذ فعل مثل: (اشترِ الآن، اضغط للشراء، تواصل معنا...الخ)


إليكم بعض الأمثلة من إجابتكم: 

زهقتي من شكل الكومدينو ؟ ازاز التسريحه بيتوسخ بسرعه ؟ مش لاقيه مفارش جودتها كويسه تتحمل معاكي وتمنع وصول التراب للمكتب ؟ كل دا هيتحل ببساطه مع المفرش دا

__

زهقتي من المفارش التقليديه؟ عايزه تغيري و تجددي؟ يبقي تشتري مفرشنا

شكل حلو و مش غالي

هتعرفي تغيظي طنط سوهير بيه

و اجمد حد جايب مفرش كروشيه في العماره

يلا الحقي اشتري مفرشنا

__

الكروشيه حاليا هو المنتشر والتريندى لأنه مصنوع يدويا وكمان متوفر منه كل الألوان اللى ممكن تحتاجيها

وتطلبيها وشكله مختلف والمفرش سعره مناسب جدا لخامته .

__

الصوف والمفارش الكروشيه من أهم سمات ومميزات بيوتنا زمان،من ضمن إهتمامتنا إعادة المفارش دي دلوقت بما يتناسب مع الأذواق والتصميمات العصرية وفي نفس الوقت نستعيد ذكريات طفولتنا وبيوتنا القديمة المليئة بالدفء الأسري،مفروشاتنا يدوية 100٪ ومتقنة الصنع وبألوان عديدة

وتناسب جميع أنواع الأثاث مودرن أو كلاسيك وتتيح لك إختيار ما يناسبك🤎

__

محتارة تجهزي بيتك بحاجة عصرية وجميلة، محتاجة حاجة شيك بس خايفة تبوظ منك بسرعة، بتدوري على حاجة مختلفة ومميزة بس كل الأسعار اللي في السوق غالية! خايفة تشتري المفارش الغالية أحسن حماتك تلوم عليكي ولا جارتك ام محمد، معانا هتلاقي حل لمشكلتك مفرش كروشيه يجمع بين أصالة الماضي وأناقة الحاضر ألوان جميلة وشكل أنيق وخامة ممتازة هيشرفك قدام ضيوفك وهيعيش معاكي وغسيله سهل جدا وسعره مفاجأة، ٥٠ جنيه بس

مستنية اي الحقي احجزي واحصلي على المفرش قبل ما الكمية تنفذ ومتخليش حماتك تقولك نص كلمة

عندنا هتلاقي طلبك.

__

مفرش كروشيه مصنوع من الصوف ب٥٠ ج، يا بلاش يولاد

تعال خد فكره أو بص بصه واشتري بكره😹💖💖

اشتري المفرش الكروشيه ودلعي مامتك يا انسه، اشتري المفرش المبهج ودلعي انتيكات بيتك يا مدام

متفوتوش المنتج لأنه لا يعوض ولا يستبدل حقيقي😹💖

__

مكسوفة من شكل ترابيزتك ومش عليها حاجة وبتكوني محرجة جداً من ضيوفك

متتكسفيش بعد اليوم إحنا بنقدملك الحل اشتري دلوقتي مفرش كروشيه المصنوع يدويا والذي يضفي لمسة الجمال والرقي علي بيتك ودا كله ب٥٠ جنيه بس يلا متتاخريش

تعليقات

  1. ده اي الجمدان ده 😂😂💙💙💙
    مع ان التاسك ضاع عليا للاسف بس الاجابات جميله جدا اللهم بارك وشوفت الفيديو عظمه 💙💙

    ردحذف
  2. بجد ربنا يبارك فيك أكتر حاجة مبسوطة بيها جدا التطبيق العملي والأمثلة علي كل نقطة ❤

    ردحذف
  3. حلوة فكرة انكم تحطوا نماذج من الاجابات .. لو الفيديو بيفهم بنسبة 40% فالنماذج دى بتوصل الفهم والتطبيق ل70% ..

    ردحذف
  4. اجابتي منوره😉😹💕💕💕💕

    ردحذف
  5. إجابتي متشابه جدا 😂💚

    ردحذف
  6. اجابتي متشابهه جدآ

    ردحذف
  7. بجد يعني حاجه فوق العظمه والمصحف
    عاااااااااااااااااااااااااااااااااااااااااااش بجد 🔥🔥🔥🔥🔥🔥🥰🥰

    ردحذف
  8. اجابتي اول حاجه 😂💖💖💖💖

    ردحذف
  9. السن اكبر من 40ليه وكمان ازاى افرق بين المستوى المادى والاجتماعى ووفق بينهم ازاى

    ردحذف

إرسال تعليق

المشاركات الشائعة من هذه المدونة

تعلم التسويق مع مبادرة تثقيف 2 | التاسكات

كورسات يوديمي بكوبون مجاني